Premier League season tawp lam a ngaihnawm

Manchester City-in harsatna hranpa nei loin Premier League an champion mai a rinawm tawh a, an hmelma Manchester United nen season tharah Champions League an khel dawn niin a lang bawk. Europe inelna sang khel turin hmun ruak pahnih a la awmah a ngaih theih a, club paruk Leicester City, Chelsea, West Ham United, Liverpool, Tottenham leh Everton ten Europe inelna sang ber khelh beiseina an la nei vek.

Leicester City hi pathum-naah awm mah se an elpui Manchester United, Tottenham leh Chelsea te an la hmachhawn dawn. Chelsea pawh Leicester City bakah tlak hlau Fulham leh champion mai tur Manchester City te nen an la inkhel dawn a, chesual thei an la ni.

West Ham tan an elpui ber Chelsea an hneh loh a pawi a, chutihrualin an khelh hmabaka an tumpui tur ṭha ber chu Everton an nih avangin beisei tur a la awm. Liverpool tan champion nomawi an chan bakah Champions League khelh phak loh a na dawn, Jurgen Klopp-a hote hmalam hun hi an match hmasa bera Manchester United nena an inkhel result-in thui tak a hril ang. Tottenham leh Everton pawh hi pasarihna leh pariatnaah daih awm mah se thil mak thleng lo pawhin Champions League khel pha thei dinhmunah an ding.

March 23, Zirtawpni
Arsenal 0 - 1 Everton
EVE : Bernd Leno 76' (OG)

March 24, Inrinni
Liverpool 1 - 1 Newcastle
Hove Albion
LFC : Mohamed Salah 3'
NUFC : Joe Willock 90+5'
West Ham 0 - 1 Chelsea
United
CHE : Timo Werner 43'
Sheffield 1 - 0 Brighton &
United Hove Albion
SHU : David McGoldrick 19'