Hull City-in Championship khel dawn

Hull City chuan Inrinni zan khan League One-ah Lincoln City chu 2-1 in an hneh a, season tharah Championship an khel dawn. Tigers hian match 44 aṭangin point 86 an hmu a, palinaa awm Sunderland-in (73 points) an umpha thei tawh lo.

Hull boss Grant McCann chuan, "Team thawhrah a ni. Ka staff-te leh player-te thawhrah a ni," tiin inkhelh banah lawmthu a sawi. Tigers hian match hnuhnung 13-ah chak loh an nei lo a, point 39 hmuh theih aṭanga point 33 an hmuh avangin tun hun hi an thleng ta a ni.

Hull City chuan, "Sky Bet League One aṭangin dan angin kan inhnukdawk dawn ta a, inelna thar Sky Bet Championship-ah club 23 dang kan zawm ang," tiin European Super League club te tih elna ni awm fahranin 'inhnukdawk' tih ṭawngkam an hmang.