Hmahruaitu Jazz an chak lo

NBA regular season kal laia team che ṭha ber Utah Jazz an chak lo. Nimin zing inkhelah Jazz hi chak tura rinkai ni mah se an khingpui Minnesota Timberwolves lakah 101-96 in an chak lo.

Timberwolves tan Karl-Anthony Towns-a'n point 24 a neih bakah rebound vawi 12 a la bawk a, point 17 zeta an hniam fal hnuah huaisen takin an tho chhuak - ani bakah hian point 23 neitu Anthony Edwards a langsar bawk.

Inkhel dangah Los Angeles Lakers chu Dallas Mavericks lakah 108-93 in an chak lo. Hliam damkawr Anthony Davis-a'n minute 28 chhung a khel thei tawh a, point 17 nei mah se NBA champion chakpui nan a tawk zo lo.

Lakers hi vawi 25 ngawt an tlawm ta, western conference-ah pangana niin playoff khel tur chuan chetsual tam loh a pawimawh tawh ang. Conference hmahruaitu Jazz chu vawi 16 chauh an la tlawm thung.