Barty a thiam ber

Hmeichhe tennis world number 1 Ashleigh Barty tluk thei an awm lo. Australian nula hian Pathianni zan khan Aryna Sabalenka hnehin Stuttgart Open nomawi a chawi a, tennis a khelh hun chhunga title 11 a lakna chiah a ni.

Kum 25 mi Barty hian set hmasa ber chu a hloh, amaherawhchu set hnihna aṭanga insiamṭhain 3-6, 6-0, 6-3 in hnehna a chang. Set hnihna bik la turin minute 23 chauh a mamawh a, set hnuhnung berah pawh 3-1 a nih laia a khingpui service chhuhsak lehin a tlang.

Barty hian season hmasa khan hri leng vangin a khel mumal lo. Kumin tir lamah pawh a zin chhuak ngam meuh lo, inelna a hmachhawn chinah erawh a ṭha ber a ni deuh zel. 2019 French Open champion hian Paris khawpuiah hlawhtlin leh a tum dawn.