Leipzig-in Stuttgart an hneh

Bayern Munich-in Bundesliga champion nemnghet turin Mainz hneh a tawk a, amaherawhchu Hansi Flick-a hote hi an chak lo. Pahnihna dinhmun luahtu RB Leipig-in Pathianni zan khan VfB Stuttgart 2-0 in an hneh zui a, Adadou Haidara loh Emil Forsberg ten goal khat ve ve an khung.

Julian Nagelsmann hoten season thara Champions League khel turin an dinhmun an sawhnghet a, Bavarians champion hun an ti khawtlai bawk.

Bayern hian Mainz hneh lo mah se RB Leipzig hi an chak lo a nih chuan an champion dawn tho a, tunah erawh nomawi humhim tur chuan May 8, Inrinni zan an nghah thlen a ngai.

Leipzig hian Inrinni zan dar 7:00-ah Borussia Dortmund an hmachhawn dawn a, Dortmund an chak a nih chuan Bayern hi an inkhelh leh hma hauhin an champion ang. Julian Nagelsmann hote hi chak ta reng pawh ni se Bayern Munich-in Borussia Monchengladbach an hneh chuan an champion tho ang.