CYMA Cricket khelh hun chiang lo

Central YMA leh Cricket Association of Mizoramin May 11-19, 2021 chhung hian Inter Branch YMA Cricket Tournament a buatsaih dawn a, mahse organising committee-in uluk taka ngaihtuah hnuah Covid-19 vangin a hun sawn rih turin a rel.

Organising Committee chuan, "Covid 19 (Hripui) in kan ram min tih buai em avangin tournament hi a hun ngaiah buatsaih thei niin kan hre lo a, ṭhulh rih phawt ni se. Boruak ṭha beisei leh thlir chung zelin hun remchang a la awm turah kan ngai," tiin thuchhuah an siam.

Nikum khan Inter Branch YMA Cricket Tournament bakah inelna dang volleyball leh athletics te Covid-19 vang thoin neih theih a ni lo. Chutihrualin kuminah erawh CYMA leh Mizoram Chess Association ṭangkawpin Online Chess Tournament zawh fel a ni tawh thung.