Bailly-a'n contract thar a ziak

Manchester United defender Eric Bailly chuan Old Trafford-a June 2024 thleng cham turin contract thar a ziak a, kum khat pawhsei belh theih dan a awm bawk.

Ivory Coast interna-tional Bailly chuan, "Thutlukna siam turin ngaihtuahna hranpa siam a ngai lo a, Manchester United hi ka hmangaih a, hemi club-a khelh chhunzawm hi ka duh a ni. Ka inhliam a dam tawh a, contract thar ka ziah hian chona thar min pe ang," tiin a sawi.

Kum 27 mi Eric Bailly hian kum 2016 khan Villarreal aṭangin Manchester United hi pound maktaduai 30-in a zawm. Bailly hian a season hmasa berah league match 25 a khel a, hemi hnu hian inhliam vangin khelmualah a inlan tam lo. Tun season-ah pawh Bailly hian league match riat chauh a la khel a, amaherawhchu theihna sang tak a neih avangin contract a pawtsei - United tan chanchin lawmawm a ni.