Minnesota lakah Jazz an chak lo

Nimin zing NBA regular season inkhelah Utah Jazz chu an khingpui Minnesota Timberwolves lakah 105-104 in an chak lo, team pahnih an inhnehtawk dawna a lan hnuah D'Angelo Russell-a'n layup hmanga point neiin a team a chakpui.

Jazz hian an thiampuipa Donovan Mitchell an la chhawr thei lo a, an guard pawimawh awm loh karah point neih an harsat. Quarter hnuhnung berah point 13 zetin an hnufual hman a, pawtthla teuh hle mah se an ṭang tlang zo ta lo.

Timberwolves tan Russel a hmuhnawm, ani hian point 27 a neih zinga a hnuhnung ber chu second 4.2 chauh a awm tawh tihin a lut a, inkhel inhnehtawk taka basket pawimawh bera ngaih lutin hnehna an chang.

NBA Western Conference table-ah Timberwolves hi an hnuaihnung hle, vawi 18 chauh hnehna la changin an hnuaiah Houston Rockets chiah an awm. Jazz erawh a chung berah an la awm zel.

Nimin zing inkhel dangah - Phoenix Suns, Chicago Bulls, New Orleans Pelicans, Denver Nuggets leh Sacramento Kings ten hnehna an chang ve bawk.