Football club lianten Mizoram ram kâng an tawrhpui

April 24, Inrinni zing dar 7:30 vel aṭang khan Lunglei khawpui hmarthlang lam Saisih ram aṭangin kângmei a chhuak a, an ṭhelh mih theih mai loh avangin Indian Air Force (IAF) pun a ngai hial. Tun hnai hmun hrang hranga ram kang hian Mizoram pum a deng chhuak ringawt lo a, football aṭanga teh phei chuan khawvel pum a deng chhuak.

Khawvel football club langsar ber zinga mi Chelsea leh Manchester United te chuan Indian Air Force (IAF) pun mei chhuak vanga harsatna tawkte an tawrhpui thu an official facebook account-ah an pholang.

India ram football thuneitu sang ber AIFF (Indian football team), Indian Super League, Reliance Foundation Youth Sports leh infiamna kaihhnawih pawl hrang hrangin an tawrhpui thu hi social media kaltlangin an puang chhuak a ni.

Kan ngaihtuahnaah ramhnuai kâng avanga harsatna tawk Lunglei mipui kan hre reng a, kan ṭawngṭaipui reng che u.

Mitin a him theih nan duhsakna kan hlan e

- Indian Football Team (AIFF)

Mizoram ramhnuai kângin a ngawng zawng zawng te an him theih nan kan ṭawngṭaipui a che u.

- Reliance Foundation Youth Sports

Mizo mipui ramhnuai kâng avanga mangang leh hrehawm tuar zawng zawng te kan hre reng che u a, kan ṭawngṭaipui a che u.

- Manchester United

Kan ngaihtuahna leh ṭawngṭainaah Mizoram chhunga ramhnuai kâng vanga harsatna tawk zawng zawng te kan hre reng a che u.

- Chelsea