Playoff khel turin Nets an tling

Brooklyn Nets chu Eastern Conference aṭanga tun season NBA playoff khel tura tling chiang hmasa ber an ni. Nets hian nimin zing khan Toronto Raptors 116-103 in an hneh a, regular season kal laiah vawi 42 an chakna an tawng.

Amalie Arena-a inkhelah Kevin Durant leh Kyrie Irving an hmuhnawm a, an pahniha point an neih belh khawm chu 26 chauh ni mah se Western Conference table mawngphah luahtu Raptors hneh nan a tawk.

Nets coach Steve Nash chuan, "Nitin hmasawn zel kan tum, tuna kan thlen chin hi kan tawpna tur a ni lo. Regular season kal laiah match khelh hmabak 10 kan la nei, heti chunga playoff atana tlin theih hi a lawmawm hle," a ti.

James Harden la inlan thei lo mah se point 22 neitu Jeff Green a ṭangkai a, ani bakah hian Blake Griffin chuan court chhunga minute 22 chauh hun a hman chhungin point 17 a nei hman - Joe Harris (16 point) leh Landry Shamet (14) te an khel ṭha bawk.

Nimin zing inkhel dangah Golden State Warriors chu Dallas Mavericks lakah 103-133 in an chak lo. Warriors hi Western Conference table-ah 10-na dinhmun luahtu an ni a, playoff khel tur chuan hna a hautak dawn, midang chetsual an chan tel a ngai tawh ang.

NBA Results
Brooklyn Nets 116 - 103 Toronto Raptors
Milwaukee Bucks 114 - 104 Charlotte Hornets
Portland Trail Blazers 133 - 112 Indiana Pacers
Boston Celtics 115 - 119 Oklahoma City Thunder
Houston Rockets 107 - 114 Minnesota Timberwolves
Golden State Warriors 103 - 133 Dallsa Mavericks