Suzuka-ah Japanese GP tlan zel dawn

Formula 1 chuan thuchhuah siamin, kum 2024 thlengin Suzuka tlan kawngah Japanese Grand Prix an tlan tur thu an puang.

Kum 1987 khan tlan kawng pariatah F1 inelna an nei, chung zingah chuan Suzuka hi a tel. Japan rama tlan kawngah hian ṭum 11 ngawt chu world champion tih chian a lo ni tawh.

F1 chief executive Stefano Domenicali chuan, "Kum thum inremna kan ziak thei, kan contract hian Asia ramah hun rei tak chhung F1 kan nei chhunzawm dawn tih a entir nghal bawk," a ti.

Nikum khan coronavirus vangin Japanese GP hi an tlan lo, kuminah hian October 10-ah neih tum a ni. Mahse tun hnaiah hrileng a hluar leh tak avangin kuminah hian neih theih ngei a ni dawn em tih a la chiang lo.