NE Elite Boxing C'ship Mizo nula pahnihin gold an la

North East Zone Elite Boxing Championship 2019 chu Chirang, Assam-ah January 6 khan khelh zawh a ni a, Mizo nula pahnih Vanlalhriatpuii leh Abisag Vanlalmawii ten gold medal an la a, TC Lalremruati'n (ITI Veng) bronze medal a la bawk. Boxing hmanga hmarchhak state-te inelnaah hian Mizo mipaten gold, silver leh bronze medal pahnih ṭheuh an hawn bawk a ni.

Under 60kg-ah  ITI Veng nula Vanlalhriatpuii hian final-ah Manipur boxer B. Sonia a hneh a, semifinal-ah Ayang Pullung (Arunachal Pradesh) a hneh. Under 64kg-ah Abisag Vanlalmawii hian gold la turin final-ah Anamika Urang (Assam) a hneh a, Vaphai nula Abisag hian semifinal-ah Manipur boxer N. Surjalata Devi a hneh bawk a ni.  

Mizoram aiawh boxer mipa pasarih kal zingah Zochhuanawma Fanai (69kg)  leh Lalawmpuia (75kg) ten gold medal an la a, Lalnunzira (60kg) leh Zomuansanga (64 kg) ten silver medal lain Zoramchhana (56kg) leh Hmingthanmawia (49kg) ten bronze medal an la thung. Mizoram team hi Albert Sangzuala (coach) leh T. Lalthlengliana (manager) ten hruai a, Mizoram Boxing Association (MIZBA) in kum bul an ṭan hle.