Euro 2020-ah player 26 thlan theih dawn

European Championship chu June 11-July 11, 2021 chhungin khelh a a ni dawn a, Covid-19 vangin squad-a player awm thei zat chu 23 aṭangin 26-ah an ti pung.

UEFA chuan squad tih chah avang hian ram hrang hranga coach tan inelna hmachhawn a awlsam phah turah an ngai a, Euro avangin player-ten chawlhna hun an neih tlem dawn avangin squad-a player 26 koh a nih hian a chhawk zângkhai turah an ngai bawk.

Tuna squad-a awm zat an tih pun hma hian match khata substitution panga siam theh chu pawm a ni tawh a, he dan pawh hi Covid-19 vang thoa tih danglam a ni.

Euro 2020 khel tur squad hi June 1 hmaa thehluh tur a ni a, England manager Gareth Southgate chuan May 24-ah squad puan a tum. Ram dang pawhin May thla tawp hmain squad hi an puang fur ang.