Nagelsmann thlaktu tur Marsch

RB Leipzig chuan Bayern Munich lakah an manager duhlai Julian Nagelsmann chu season thar aṭangin an chân dawn. Bundesliga club hian an manager kal chhuakta hmun ruak luah turin Jesse Marsch an lakluh thu an puang.

Red Bull Salzburg coach nilai Marsch hian Leipzig hi kum hnih chhung atan a enkawl phawt ang, 2018/19 season khan Leipzig-ah hian assistant coach hna a lo thawh tawh avangin a mikhual dawn lo - Nagelsmann hmunruak hnawh khah erawh a harsa dawn.

Leipzig chief executive Oliver Mintzlaff chuan, "Jesse hian kan club a hrechiang, Leipzig khawpui leh a mamawh tur ang zawng zawng chu a hrechiang vek," tiin an coach thar tur chunga rinna an nghah thu a sawi.

Amercian coach Marsch hian tun hmain Major League Soccer club New York Red Bulls a enkawl tawh, chumi hnuah Leipzig-ah hna a thawk a, Red Bull Salzburg tan a intuaihriam hnuah Leipzig a enkawl pumhlum dawn tihna a ni.