Canadian Grand Prix an tlan dawn lo

Coronavirus darh zel avangin Canadian Grand Prix an tlan thei dawn lo. A hmun ruakah June 11-13 chhung hian Istanbul Park-ah Turkish Grand Prix chu an tlan zawk ang - F1 thuneitu lamin an ti chiang tawh.

Montreal khawpui hian season hmasa pawh khan hrileng vang bawkin F1 hi a thleng thei lo, kuminah pawh inkaihhruaina khauh tak an la kalpui. Ram dang aṭanga zin luttte ni 14 khunghran hmasak an la ngai a, team tan zawm theih a ni lo.

F1 president Stefano Domenicali chuan, "Canada-in a thleng thei lo tur hi a pawi kan ti. Mahse nikum ang bawkin Turkey rama a awm thei tur hian min ti lawm, harsatna karah pawh lawmna tur lam a lo awm ve zel," a ti.