Royals-in Covid-19 do nan nuai 750 pe

Indian Premier League club Rajasthan Royals chuan nimin khan thuchhuah an siam a, Rajasthan-a Covid-19 do nan cheng nuai 750 an hmuhchhuah thu an sawi.

Rajasthan Royals chuan, "Covid-19 do na atana nuai 750 kan thawh khawm thei hi a lawmawm kan ti a, Rajasthan mipui harsatna eng emaw chen chu phu hruk theih kan beisei. Player, club neitu leh coaching staff-te leh kan thawhpui British Asian Trust (BAT) te inpekna zar a ni," tiin thuchhuah an siam.

Hemi hma hian Australia leh Kolkata Knight Riders pacer Pat Cummins chuan damdawi ina oxygen leina turin dollar 50,000 (Rs 37,05,390) a lo pe tawh bawk.