Spurs-in Mourinho thlakna an zawng

Tottenham Hotspur chuan Jose Mourinho thlakna tur manager an zawng zel a, tun season khelh hmabakah erawh kum 29 mi Ryan Mason-a'n a enkawl ang.

Spurs hian manager thar turah thutlukna an la siam lo a, Ajax manager Erik Ten Hag chu rinkai niin manager hming lam rik zingah Bayern Munich nen pawha sawi zawm tawh Ralf Rangnick a tel.

Kum 51 mi Ten Hag hi Ajax-ah a hlim a, club director of football Marc Overmars nen an inkar boruak ṭha mah se December 2017 aṭangin Dutch club-ah hian a awm tawh a, chona thar hmachhawn a hreh lo ang.

Ten Hag hian Ajax hian season khat dang contract a la nei a, player naupang a enkawl thiam avangin Spurs chairman Daniel Levy mit a tlung hlea sawi a ni.

Rangnick erawh manager leh director of football hna a thawh chhungin coach naupang tak tak a chher chhuak a, chung zingah chuan Bayern Munich zawm tur Julian Nagelsmann pawh a tel. Spurs hian Leicester City manager Brendan Rodgers pawh an awt viau a, amaherawhchu Liverpool manager hlui hian Foxes-a cham a duh thung.