Election duty tur Marcelo a buai!

Real Madrid defender Marcelo chuan Champions League semifinal second leg-ah Chelsea a hmachhawn thei lo mai thei - Madrid assembly election-ah duty tura ruat a nih vang a ni!

May 3 zanah Real Madrid hian 1-1 a an inhnehtawkpui hnu Chelsea hi an lenchilh dawn a, May 2-a Madrid inthlan tura duty turin Marcelo hi ruat a ni thung.

Brazilian left back hi kum 2011 khan Spanish khua leh tui nihna pek a ni a, Spanish mi leh sa tawh phawt chu election duty tur hian ruat theih an ni.

Real chuan Marcelo hi Chelsea hmachhawna tura a zin theih nan buaipui ngaite an buaipui thu an sawi a, Spanish chanchinbu lar El Mundo chuan Real hian Electoral Commission-ah dilna an thlen a, an dilna hi hnawl a nih thu an tarlang thung.