Mumbai leh Delhi an chak

Indian Premier League khelh mekah Nilaini khan match hnih a awm a, Mumbai Indians leh Delhi Capitals ten an khingpui Rajasthan Royals leh Kolkata Knight Riders an hneh.

Feroz Shah Kotla, Delhi-ah Mumbai Indians-in vawm hmasak an thlang. Rajasthan Royals-in Sanju Samson (42), Jos Buttler (41) leh Shivam Dube (35) te hmangin run 171/4 an siam.

Mumbai Indians tan Quinton de Kock-a'n thi loin run 70 a siam a, over 18.3 lekah run 172/3 siamin target hi an umpha. Mumbai-in hnehna an chan theih nan Krunal Pandy (39) leh Kieron Pollard (16*) te an che ṭha bawk.

Narendra Modi Stadium-ah Delhi-in vawm hmasakan thlang. Knight Riders tan Andre Russel-a'n thi loin run 45 siam mah se run 43 siamtu Shubmal Gill chiahin a thlawp ṭhat avangin run 154/6 chauh an siam.

Delhi tan Prithvi Shaw-a'n run 82 tehmeuh a vaw chhuak a, Shikhar Dhawan-a'n run 46 siam ve bawkin over 16.3-ah run 56/3 siamin hnehna an chang.

Zanin hian dar 7:30 hian champion lai Mumbai Indians-in table chung bera awm Chennai Super Kings an hmachhawn ang.