Hamilton-a'n chawlh a la tum lo

Lewis Hamilton chuan Formula 1 chawlhsan mai a la tum lo a, car intlansiakna sang berah hian season tharah pawh inlan chhunzawm zel a tum thu a sawi chhuak.

Britain driver hian season hmasa khan Mercedes tana a contract a hmang zo. A team pangngai tan hian contract thar ziak mah se kum khat chhung atan chauh a ni, a hun chhung a rei loh avang hian a hma hun chungchangah zawhna a tam.

Kum 36 mi Hamilton chuan, "Hma hun tur hi ruahmanna ka siam ve ṭhin, nakkumah pawh F1 a awm zel ka tum," a ti a, season kal laiah Red Bull driver Max Verstappen nena inel chu nuam a tih thu a sawi bawk.

Tun season inelna vawi hnih an neih tawhah Hamilton leh Verstappen ten hnehna an chang. Pathianni zan dar 7:30 hian Algarve International Circuit-ah Portuguese Grand Prix an tlan leh ang.