Warriors tan playoff a hla?

Stephen Curry awmna Golden State Warriors tan NBA playoff khelhna kawng a la inhawng a, mahse tun hnaiah result ṭha an neih hleih theih loh avangin a thiam pariat zinga tel a harsa tawh dawn.

Nimin zing NBA regular season inkhelah GSW hi Minnesota Timberwolves lakah 126-114 in an chak lo a, season kal laiah vawi 32 ngawt an tlawm ta. Western Conference table-ah 10-na an ni a, pariatna chinin playoff an khel ang.

Nimin zing inkhel dangah Milwaukee Bucks thiampuipa Giannis Antetokounmpo chu quarter hmasa berah a inhliam. Most Valuable Player awm loh karah Houston Rockets tan Kevin Porter Jr. inlarin point 50 a nei a, a team hi 143-136 in hnehna a chanpui.