James a dam tawh, mahse an chak lo

LeBron James a dam tawh a, a inkhel thei leh tawh. Inrinni zing khan James hian Los Angeles Lakers tan match khel thei leh tawh mah se Sacramento Kings lakah 110-106 in an chak lo.

March 20 khan James hi a kerek a hliam a, a awm loh hlanin Lakers an che hleithei lo. Anthony Davis a lo kir a, tunah James meuh pawh rawn kir leh mah se an beisei ang result erawh an nei thei rih lo - a zawnin match hnih an tlawm.

Western Conference hmahruaitu nih inchuh inkhelah Phoenix Suns chuan 121-100 in Utah Jazz an hneh. Mahse, nimin zing khan Jazz hi inlan zuiin Toronto Raptors chu 106-102 in an hneh a, hmahruaitu an ni lehnghal.