Hmeichhe UCL final khel tur a chiang

Chelsea hmeichhe team chuan Champions League final lut turin Bayern Munich hmeichhe team chu 4-1 in an sawp a, Blues tan Fran Kirby chuan goal hnih khungin Ji So-yun leh Pernille Harder-ten goal khat ve ve an khung bawk.

Bayern tana Sarah Zadrazil goal khung chu mualpho zualpui khuhna chauh a ni a, semifinal first leg result nena belhkhawmin Chelsea hi 5-3 in an tlang.

Hmeichhe semifinal inkhel dangah Barcelona chuan 2-1 in Paris Saint-Germain an hneh a, inkhel hmasa nena belhkhawmin 3-2 in an chak - Catalan club tan Lieke Martens chuan goal hnih a khung a, PSG tan Marie-Antoinette Katoto chuan goal khat khung ve mah se a team a chhan zo lo.

Women's Champions League final hi May 17, zan dar 12:30-ah khelh a ni dawn a, Chelsea leh Barcelona-te hian champion an inchuh dawn a ni.