Covid-19 in IPL a tibuai

Indian Premier League-ah nizan khan Kolkata Knight Riders leh Royal Challengers Bangalore te inkhel tur an ni a, amaherawhchu Kolkata player pahnih Covid-19 an positive avangin inkhelh hun sawn a ni.

KKR player zinga positive te hi Varun Chakravarthy leh Sandeep Warrier te an ni a, player dang zawng an negative. April 9-a IPL ṭan a nih hnua positive awm hmasak ber ṭum a ni.

Kum 29 mi geg-spinner Chakravarthy leh kum 30 mi pace bowler Warrier te hi khung hran an ni a, an teammate-te nen nitin Covid-19 test an nei chhunzawm ang.

IPL-a inhnamhnawih te hi 'bio-bubble' chhungah an awm vek a, chumi awmzia chu hotel thlenna bik an nei a, training leh inkhelh dawnin kalna tur lirthei bik an nei a, midang an hmuh a thiang lo.

Amaherawhchu Chakra-varthy hi a dar na avanga scan tih a mamawh avangin bio bubble hi a chhuahsan a, hei hi a kaina chhana ngaih a ni. Inelna buatsaihtute hian positive pahnihte nena inhnimhnai player-te hi an chhui zui bawk.

Kumin IPL hi India ram khawpui parukah khelh a ni a, player-te hi anmahni pual thlawhtheihna buatsaih hmangin an zin kual ṭhin a ni.