Bobby Charlton-a'n 'dementia' a nei

3rd November, 2020

Manchester United legend leh England-in 1966 World Cup an champion ṭuma player pawimawh Sir Bobby Charlton chuan 'dementia' a vei tih hriatchhuah

a ni.

Dementia hi rilru kim lohna emaw atna emaw tiin a sawifiah theih. Charlton-a nupui kum 83 mi Lady Norma chuan midang puih theihna a nih beiseiin a pasal dinhmun puahchhuah hi ṭha a ti a ni.

World Cup-a England champion puitu zingah Bobby hi dementia vei pangana a ni a; kumina thi Jack Charlton leh Nobby Stiles bakah Ray Wilson (2018) leh Martin Peters (2019) te pawhin dementia hi an nei bawk.