Team dang chunga leng Mercedes

Formula 1 season kal laiah Mercedes chu team champion an ni fel leh der tawh. Pathianni zana Emilia Romagna Grand Prix an tlan zawh hnuah Mercedes hian point 479 an hmu a, an hnuaia awm Red Bull chuan point 226 chauh an nei thung.

Autodromo Enzo e Dino Ferrari tlankawnga inelna neihah Lewis Hamilton chu pakhatna a ni a, a teammate Valtteri Bottas a thleng thung. Mercedes driver pahnih bawk hi driver championship lamah pawh hmahruaitu an ni bawk.

Mercedes boss Toto Wolff chuan, "A zawna a vawi sarih nan team champion kan ni, hetiang dinhmun kan luah theih nana thawkrim tak takte chungah lawmthu ka sawi. Season tharah pawh phur leh thatho takin inelna kan hmachhawn chhunzawm ka beisei," tiin a sawi.

F1 season kal laiah hian intlansiak 17 awm tura ruahman a ni a, chung zinga 13 chu an tlan tawh. November 15, Pathianni hian Turkish Grand Prix an tlan 

leh ang.