Valencia-in manager Gracia an ban

Valencia chuan an manager Javi Gracia chu thla 10 hnu lekah result ṭhat tawk loh avangin an ban. Pathianni khan Valencia hian Barcelona 3-2 in an hneh lo a, La Liga-ah 14-naah awmin relegation zone-a awm Huesca aiin point ruk chauhin an hmu tam.

Watford manager hlui Gracia hian tun season league match-ah Valencia hi vawi riat chiah a chakpui a, Spanish champion ṭum ruk ni tawh team tan an result hi a ṭha tawk lo.

Valencia chuan, "Javi Gracia-a'n kan club ṭhatna tura a inpekna leh thawhrimnaah lawmthu kan sawi a, a kal zelna turah duhsakna kan hlan," tiin thuchhuah an siam. Spanish club hian manager nghet tur lak hmain assistant manager Salvador Gonzalez 'Voro' chu team enkawl tur atan an ruat a ni.