Quartararo an zai hlawhtling

MotoGP champion rinkai zinga mi Fabio Quartararo chu Thawhlehni khan a ban na zai a ni a, a team Yamaha chuan an rider hi hlawhtling taka zai a nih thu an tarlang.

Pathianni zan khan Jerez tlankawngah Spanish MotoGP tlan a ni a, a tir lama che ṭha tak Quartararo hi intlansiak laihawlah nasa takin a hnungtawlh a, a tlakhniam chhan hi a ban nat vang niin 13-naah a thlang thei hram.

Bike intlansiakna sang ber hi May 16-ah an nei chhunzawm leh dawn chauh a, French Grand Prix an tlan hunah chuan Quartararo hi harsatna nei loa inla thei tura beisei a ni.

Season ka laiah MotoGP inelna vawi li an nei tawh, ṭum hnih chu Quartararo hian hnehna a chang. Spanish GP-ah result nei ṭha tawk lo mah se rider championship table-ah hmahruaitu Francesco Bagnaia chu point hnih chauhin a phak lo.