Hertha an him thei ang em?

Zanin dar 10:00 hian Bundesliga-ah Hertha Berlin leh SC Freiburg te an inkhel dawn. Hertha hian match 29 aṭangin point 27 an hmu a, team 18 zingah 17-na an nih mek avangin Bundesliga khel zel tur chuan chak ngei a ṭul dawn a ni.

Covid-19 hri leng avanga an buai avangin Hertha hi an khel tlem bik a, Freiburg laka hnehna an chang thei a nih chuan match khata khel tlemin 14-naah an awm chho thei dawn. Hertha hian Covid-19 positive vangin goalkeeper Rune Jarstein an la chhawr thei dawn lo a, hliam vangin defender Luca Netz-a la inlan thei lo bawk.

Hungarian manager Pál Dárdai-a kaihhruai Hertha hian March thla hnuah chak an nei leh tawh lo a, Bundesliga-a inham tan nan leh team boruak ṭhat nan chak an mamawh hle. Bundesliga aṭangin Schalke an relegate tawh a, tla tur dang a la hriat loh thung.