French Open entu 1000 zel awm dawn

France sports minister Jean-Michel Blanquer chuan French Open khelh hunah a hmuna entu an awm theih tur thu a sawi a, stadium pakhatah entu 1000 zel an awm thei dawn.

Coronavirus vangin infiamna lamah pawh a pangngaiin entu an la awm thei lo. Hrileng hi a darh thar hluai a nih lem loh chuan quarterfinal chinah entu hi tih pun leh theih beisei a ni. Quarterfinal aṭang chuan stadium lian Philippe Chatrier leh Suzanne Lenglen-ah khelh a ni ang.

Blanquer chuan, "Ruahman dan chuan stadium pakhatah 1000 zel awm thei se tih a ni a, hei hi court awmdan nena chhut chuan 35% ang vel a ni. Ruahman anga kan kal thei a nih chuan season hmasa aiin entu an tam dawn tihna a ni," a ti.

Season hmasa khan French Open hi May thla a khelh tur chu September thlaah an sawn a, a hmunah mi tlemte in an en thei. Kuminah pawh a hun pangngaiah khelh theih a ni dawn lo a, kar khatin an sawn hla hret - tun thla tawpah an khel ṭan ang.