Serena a chak awlsam

Season thara a match hmasa ber atan Serena Williams chu Auckland WTA Classic-ah a inlan a, American star hian Thawhṭanni zan khan Camila Giorgi chu straight set a hnehin nuamsa takin hnehna a chang.

Seeded pakhatna Serena hian world number 99 Giorgi hi 6-3, 6-2 in a hneh, a match lehpek atan January 9, Ningani hian amah ang bawka American player ve tho Christina McHale nen an inhmachhawn leh dawn a ni.

Grand Slam vawi 23 champion tawh Serena hian kuminah Margaret Court-i record (24 titles) chu nihrual a tum hle. January 20 aṭang hian Australian Open an khel dawn a, atan tun inelna hi inbuatsaihna ṭha tak a ni ang.

Kum 38 mi Serena chuan, "Inkhel loin hun rei tak ka awm, chumi hnua inkhelh leh thut chu a awlsam lo hle. Giorgi kha player ṭha tak a ni a, ka tana thu lawmawm chu ka ban leh ke veilam ṭha taka ka hmang thei kha a ni," tiin a sawi.