Silva chawlh hun tur a chiang lo

UFC middleweight champion hlui Anderson Silva chuan a hma hun a la sawi chian theih loh thu a sawi a, a team-te nen an inrawn phawt hnuah a chawlh dawn leh dawn loh a puan chian tur thu a sawi. 

Kum 45 mi Silva hian Pathianni zing khan UFC Fight Night 181-ah Uriah Hall chu technical knockout hmangin a ngam lo a, October khan he fight hi octagon-a luh hnuhnung ber tur a nih thu a sawi. 

Mahse, Silva chuan Hall a ngam loh zawhah hian, "Ka hma hun ka la sawi chiang thei lo. Ka haw phawt ang a, ka team-te nen kan sawi ho ang. Ka nun pum ka hmanna a nih avangin ka tan chuan mangṭha mai a harsa a ni," a ti. 

Brazilian fighter hian UFC-ah vawi 46 match hmachhawn tawhin vawi 34-a chak a, vawi 11 a tlawm - vawi khat a chakah damdawi hman phal loh a lo hman avangin result hnuh kir a ni. 

Kum 1997-a MMA-a a professional fight hmasa ber hmachhawntu hian kum 2006 khan UFC a zawm a, kum sarih chhung middleweight title a kawl chu record a ni - mahse a fight hnuhnung vawi kuaah vawi khat chiah a chak a, a vanglai a liam ve tawh tih 

a lang.