Semifinal-ah Barty a lut

Ashleigh Barty chuan Madrid Open khelh laiah semifinal a in vaw kai. Nilaini zan quarterfinal inkhelah world number 1 hian a khingpui Petra Kvitova chu 6-1, 3-6, 6-3 in a hneh a, final lut tur chuan Paula Badosa a paltlang leh a ngai dawn.

Wildcard hmanga inlan Badosa hian seeded pariatna Belinda Bencic chu 6-4, 7-5 in a lo hneh ve thung a, Spanish nula zingah tun hnai kum 12 chhungin wildcard hmanga inlan zingah semifinal thleng thei hmasa a ni.

Australian star Barty hi tournament-a khelh hnuhnung pathumah a champion vek a, Spain khawpuiah pawh hian a champion leh mai a rinawm - French Open atan inbuatsaihna a nei ṭha hle.

Kum 25 mi Barty chuan, "Player ṭha lakah ka vannei leh ta, kan point en chuan inkhel harsa tak angin a lang lo a ni mai thei. A takah erawh a hautak hle a, point khat chauh hmuh belh tur pawhin thawhrim a ngai takzet," a ti.