Bopanna ten quarterfinal an lut

India tlangval tennis khel thiam Rohan Bopanna leh a ṭanpui Denis Shapovalov te chuan Madrid Open mipa doubles huangah quarterfinal an lut. A thiam pariat zinga tel tur hian Juan Sebastian Cabal leh Roert Farah te inkawp chu straight set-in an hneh.

Kum 42 mi Bopanna hian season bul a ṭan fuh lo, Madrid Open an khelh hma hian kumina inelna a hmachhawn hoah chak ni hmel a hmu lo. Nilaini zan inkhelah erawh Indo-Canadian duo hian 6-3, 6-4 in hnehna an chang.

Bopanna chuan, "Hnehna ropui tak niin ka hria, chak loh a kal tluan laklawh hi chuan inrintawkna neih pawh a har ṭhin. Tunah chuan kan chak loh kaltluang kha a tawp a, match khelh hmabak atan pawh beiseina a awm," a ti.

Quarterfinal-ah Bo-panna te hian Alexander Zverev leh Tim Puetz te an hmachhawn leh dawn a, German tlangval pahnih hi singles huangah pawh player ṭha tak an nih phak avangin awlsam taka paltlang theih an ni lo ang.