Conte-a’n Mourinho a lo ‘welcome’

Inter Milan coach Antonio Conte chuan AS Roma coach thar Jose Mourinho chu Serie A huang chhuangah a lo lawm luh thu a sawi, manager ropui pahnih hi season thara Italian football ti ngaihnawmtu an ni ang.

Conte kaihhruaina hnuaiah Inter hian Juventus rorelna an ṭhiat a, an champion boruak san vanglai takin Roma chuan chanchin thar lian tak an neih hnan - manager thar atan Mourinho an lakluh thu an puang a ni.

Manager pahnih hi tun hmain Premier League-ah an lo inel tawh. Kum 2016-2018 chhung khan Conte-a'n Chelsea a enkawl a, khatih laia Manchester United manager chu Mourinho a ni thung.

Italian manager Conte chuan, "Chanchin thar ropui tak a ni, Inter a hmachhawn ṭum ni lo match dang atan chuan duhsakna ka hlan e. Kan inzah tawn hle a, mahse inelna huang khatah kan awm a nih chuan a dingchang zawk nih kan tum ang," a ti.

Serie A-ah hian hun rei tak chhung chu Juventus-in ro an rel a, player ropui Cristiano Ronaldo an neih bawk avangin midang chunga leng an ni ṭhin. Mahse, tunah chuan Inter hnuaiah an awm a, manager thawmna tak Mourinho hoa khel tur Roma pawh ngaihthah theih an ni lo ang.