Dan theih loh Barty

Hmeichhe tennis world number 1 Ashleigh Barty dang thei an awm lo. Australian star hian Ningani zan khan a khingpui Paula Badosa chu 6-4, 6-3 a hnehin Madrid Open final a lut.

Zanin dar 7:30 hian final khelh chhunzawm nghal a ni dawn a, semifinal lehlama Anastasia Pavlyuchenkova hnehtu Aryna Sabalenka nen nomawi an inchuh ang.

Thla hmasa khan Barty leh Badosa te hi Charleston-ah an intawng a, world number 1 hi a chak lo. Tun ṭumah erawh Barty hi dan theih a ni lo, vawi 30 ngawt winners a vaw chhuak a, clay court bikah a zawnin match 16 a chak zawn ta.

Seeded pangana Sabalanka hi Barty tan hmachhawn awlsam a ni dawn bik lo. Belarus nula hian tun season chhungin clay court-ah match kua a khelh aṭangin vawi riat a chak thei a, a inkhelh thiamna hmun a nih ve tho avangin a inringtawk hle ang.