Olympic khel turin wrestler Malik a tling

Summer Olympics 2020 chu July 23 aṭangin Tokyo, Japan-ah a neih a ni dawn. Indian free style wrestler Sumit Malik (125kg) chu Ningani khan Olympic khel turin a tling a, kum 28 mi Malik hian 2018 Commonwealth Games-ah gold medal hial la tawh mah se tun hi Olympic inelna hmachhawn tura a tlin hmasak ber a ni.

Sumit-a hma hian Ravi Dahiya (57kg), Bajrang Punia (65kg) leh Deepak Punia (86kg) te chu Olympic-a free style wrestling khel turin an tling tawh. Hmeichhe lamah Vinesh Phogat (53kg), Anshu Malik (57kg) leh Sonam Malik (62kg) te tling tawh bawkin Olympic khel turin wrestler pasarih an tling tawh a ni.

Toyko-a zin thei tur hian Malik hian Ningani khan World Wrestling Olympic Qualifiers-ah final an thleng. Sumit hian semifinal-ah Venezuelans mi Jose Daniel Diaz Robertti chu 5-0 in an hneh a, inelnaa final lut chin hi Tokyo-ah an zin thei dawn. Gold medal inchuhnaah Sumit hian Russian mi Sergei Kozyrev a hmachhawn ang.