Lille tan nomawi a hnai zel

French Ligue 1 champion thar kan hmu mai thei. Tun hnai kum 10 chhunga a vawi khat nan Lille chuan champion an hnaih tawh hle a, khelh hmabak pahnih an la neihah an chak a nih chuan midang result ngaihchan tel ngai loin an champion ang.

Zirtawpni zan khan Lille hian Burak Yilmaz-a goal thum hmangin Lens chu 3-0 in an sawp a, khulamualah hian Jonathan David chuan goal khat a khung ve bawk.

European football beisei ve mek Lens hi an vanduai, minute 35-na lekah defender Clement Michelin chu hnawhchhuah a ni a, hun rei tak chhung player kim lo chunga an khelh avangin an tho chhuak thei tawh lo.

Lille hian 2011 khan Ligue 1 nomawi an chawi, a hnu lamah erawh AS Monaco (2016-17) an champion ve zeuh tih loh chu Paris St-Germain kutah vek league nomawi a lut a, kuminah thawnthu danglam an beisei.

Nizan khan champion lai PSG an inlan a, an chak a nih chuan hmahruaitu Lille nen an inkarah point khat chauh a awm ang.