Westbrook-a'n record a nihrual

Russell Westbrook chuan NBA huang chhungah triple-double nei hnem ber Oscar Robertson a nihrual a, nimin zing khan a team Washington Wizards chu Indiana Pacers lakah 133-132 in hnehna a chanpui.

Westbrook hian 3 point, 19 rebound leh 15 assist a nei a, basketball inelna sang berah hian ṭum 181 zet triple-double a ni tling ta. Inkhel inhnehtawk takah hun tawp hma chiahin free-throw a vawm lut a, an chakna a ni nghal bawk.

Kum 32 mi Westbrook chuan, "Oscar nena kan hming an sawi ri ve ta mai hi ka tan chuan chawimawina a ni a, ani khan player dangte el tur record duhawm a lo siam lawk sa tawh a ni," tiin a sawi.

Tun hnaia che fuh hlei thei lo, a zawna match li tlawm tawh Brooklyn Nets chuan chak ni hmel an hmu ve leh ta - Nets hian Denver Nuggets chu 125-119 in an hneh. Western Conference hmahruaitu Utah Jazz pawhin Houston Rockets 124-116 in an hneh.

Stephen Curry hote pawhin playoff an la beisei ve zel. Amercian guard Curry-a point 49 zet neih hmangin Golden State Warriors chuan Memphis Grizzlies 136-97 in an hneh a, Western Conference table-ah pariatna dinhmun an luah.