Reds-in beisei tlem an la nei

Nomawi chawi loa season vui liam tur Liverpool-in top four nih beiseina chhi nung turin Southampton chu 2-0 in an hneh a, Sadio Mane leh Thiago Alcantara-ten goal khat ve ve an khung.

Liverpool hian hnehna an chan avangin palina Leicester City chu point ruk chauhin an phak lo tawh a, Manchester United, Chelsea leh Tottenham Hotspur la tum tur Foxes ai hian match khatin an khel tlem bawk.

Reds tana a goal hmasa ber khungtu Thiago Alcantara chuan, "A nihna ang takin thil kan thlir a, chance tlemte chu kan la nei," a ti a, season thara Champions League khel turin thilmak an mamawh tel thu a sawi.

Anfield-a inelna hrang hranga Liverpool-a kaihhruaia a vawi 100 nana chak Jurgen Klopp chuan, "Top four hi theih loh tawp a ni lo a, mahse, a harsa dawn. Theihtawp kan chhuah ang a, kan tawpna chu kan hria ang chu," tiin beidawn a la tum bik loh thu a sawi ve bawk.