Indian Wells an khel dawn lo

Coronavirous chuan tennis khawvel a ti buai chho ve ta. Season kal laia Masters 1,000 khelh hmasak ber tur 2020 BNP Paribas Open chu kuminah khelh theih a ni dawn lo.

California chhim lama inelna 'Indian Wells' tia an sawi bawk an khelh loh tur chhan hi tun laia hri leng mek vang a ni. Ruahman dan chuan inelna hi March 1, Thawhṭanni aṭanga neih tura tih kha a ni, coronavirus vangin chawpchilh takin an ṭhulh.

Indian Wells-ah hian chawlhrualin season khatah fans 400,000 vel an pungkhawm ṭhin. Kumin atana ticket la lawk tawh tan thleng let leh theih a ni a, an duh a nih chuan kum 2021 atan an ring tlang thei bawk ang. Tournament director Tommy Haas chuan, "Inelna kan nei thei lo tur hi a pawi kan ti takzet. Mahse, tualchhung mipui, fans, player leh he hmuna hna thawk hrang hrangte himna hi kan ngaih pawimawh hmasak a ngai a ni," a ti.