Indian football legend Franco-a thi

Indian football-a hming dai tawh ngai lo tur Fortunato Franco chu kum 84 mi niin nimin khan a thi a, a nupui, a fapa leh a fanute a kalsan a, a thih chhan tak hi puanzar a ni lo.

Goan midfielder hi Rome Olympic 1960-ah khan India squad-ah a tel a, a inlan phak lo thung. Kum 1962 khan Asian Games-ah India tan a feh chhuak leh a, gold medal an hlawhchhuah theih nana player ṭangkai a ni.

Asian Games-ah hian Jakarta khawpuia final-ah South Korea chu 2-1 in mipui 100,000 hmaah an hneh a, Jarnail Singh-a goal khung tur chu a siamsak a ni. Asian Cup 1962-ah khan India tan feh chhuakin pahnihna an ni a, Merdeka Cup (1964 & 1965) a silver leh bronze hlawh chhuak India team-ah a tel bawk.

Maharashtra-a seilian midfielder hian Santosh Trophy-ah captain niin Maharashtra hi a fehchhuahpui tawh a, Western Railways, Tata Football Club leh Salgaocar tan a khel hman a, India tan vawi 26-a inlan.