Goretzka a inhliam

11th May, 2021

Bayern Munich-in kar tawpa Borussia Monchengladbach 6-0 a an sawp ṭumin midfielder Leon Goretzka a inhliam a, tun seson-ah Bavarians tan a inlan dawn tawh lo.

Kum 26 mi Goretzka hi tun season-a Bayern player pawimawh ber zinga mi a ni a, Gladbach nen hian German midfielder hian a malpuiah hliam a tuar a, ngaiawh tur chuan a tlem berah kar nga a ngaih a rinawm.

European Cham-pionship chu June 11 aṭangin khelh ṭan a ni dawn a, Goretzka dinhmun a chiang lo. Joachim Low hoten May 25 aṭangin training an ṭan dawn a, Goretzka hi hun pawimawh lai taka a inhliam avangin squad-a awm lo thei dinhmunah a ding.