Suns lakah Lakers an chak

NBA champion lai Los Angeles Lakers an che fuh hleithei lo a, playoff khelh loh mai pawh a hlauhawm hman. Mahse nimin zing khan playoff khel tura tling tawh Phoenix Suns chu 123-110 in an hneh a, an dinhmun an siamṭha.

Lakers tan Anthony Davis-a'n a theihna tak tak a lantir leh ta. Season hmasa champion puitu hian point 42 a neih bakah rebound vawi 12 a la a, team ṭha Suns lakah hian hniam lai nei miah loin hnehna an chang.

Kerek hliam vangin LeBron James chu a zawna a vawi li nan a inlan thei lo a, an thiampuipa awm lo mah se Davis a khelh ṭhat avangin Lakers tan buaina a awm lo. Western Conference table-ah pasarihna dinhmun an luah chhunzawm a ni.