Hammers an chesual

West Ham United-in Inrinni zanah Everton an mikhual a, Toffees tana Dominic Calvert-Lewin goal chhanletna an neih loh avangin 1-0 in an chak lo. Hammers-in match 35 aṭangin point 58 an hmu a, palinaa awm Leicester City point ngain an pha lo.

Hammers boss David Moyes chuan, "Kan khel ṭha a, ball pawh kan in pass ṭha. Amaherawhchu a hmawr kan bawk thei lo. Vawi khat kan tisual a, chu chu team pahnih danglamna a ni a, Everton-in goal an venghim ṭha bawk. Champions League beiseina erawh a la tawp lo. Season tawpah engpawh a thlen theih avangni theihtawp kan chhuah zel ang," tiin a sawi.

Everton boss Carlo Ancelotti chuan, "Season thara Europe beiseina chhi nung turin theihtawp kan chhuah a, chak lo ilang chuan kan beisei a tawp ang. Hammers kan hneh hian team a ti phur a, Villa nena kan inkhel tur a pawimawh ang," tiin a sawi.