Iniesta a la inkhel zel dawn

Barcelona legend Andres Iniesta chuan a club khelh mekna Japanese club Vissel Kobe-ah June 2023 thleng khel turin contract a pawtsei a, Spanish midfielder hian contract hi a hmang zo a nih chuan kum 39 a nih thlengin professional football a khel dawn tihna a ni.

Kum 36 mi Iniesta hian Barcelona tan match 674 a khelh hnuin kum 2018 khan Vissel Kobe hi a pan. Spanish midfielder hian Catalan club hi La Liga-ah vawi kua zet a champion pui a, Champions League-ah pawh vawi li nomawi a chawipui.

Iniesta hian an ram Spain chu Euro Championship-ah ṭum hnih a champion pui a, kum 2010 khan World Cup nomawi chawi puiin final-a goal awmchhun a khung. Nomawi chawi theih zawng zawng a chawi hnuah Japanese club hi a pan a, Vissel Kobe-ah pawh hming a chher zel.

Barcelona midfielder hlui Iniesta hian Vissel Kobe hi Emperor's Cup (2019) leh Japanese Super Cup (2020) ah te a champion pui tawh a ni.