Olympic atan Nadal a chiang lo

Tokyo Olympic 2020 chuan beisei a phak dawn lo niin a lang, hrileng vangin infiammi ṭhenkhat an inlan thei dawn lo - tennis star Rafael Nadal pawhin inelna hmachhawn turin Japan khawpui a pan ngei dawm em tih a sawi chiang thei lo.

Grand Slam vawi 20 champion tawh Nadal hian 2008 khan singles huangah Spain tan gold medal a la a, 2016 khan inlan lehin double huangah hlawhtlinna a chang leh bawk; ram tan medal hlu tak pahnih a hlawh chhuak tawh.

Kum 34 mi Nadal chuan, "Hrileng vanga khawvel a buai hma kha chuan, Olympic inlan turin ngaihtuahna sen buai a ngai lo. Tunlai khawvel boruak thlir erawh chuan ka sawi chiang thei lo," tiin a sawi.

Spanish star Nadal hma hian Grand Slam vawi 23 champion tawh Serena Williams leh Japanese star Naomi Osaka te pawhin an dinhmun an tihchian theih mai rih loh thu an lo sawi ve tawh bawk.

Tokyo Olympic hi ruahman dan chuan July 23 aṭanga August 8 chhunga neih a ni ang.