Match hmasa berah Konta a tla

Johanna Konta tan clay court chu hmun ṭha lo a ni chhunzawm zel. Britain hmeichhe tennis number 1 hian Italian Open khelh laiah a match hmasa berah Jelena Ostapenko a ngam lo.

Thawhlehni zan Rome khawpuia inkhelah Latvian nula hian darkar khat leh minute kua chhungin 6-3, 6-1 in hnehna a chang a, season hmasa lama rin loh taka French Open semifinal lut thei Konta zinkawng a tawp.

Inkhel dangah Garbine Muguruza chuan Patricia Maria Tig lakah 6-1, 6-2 in hnehna a chang. A tirah chuan Spanish nula hian Anastasia Pavlyuchenkova hmachhawn tur a ni a, mahse a inhnudawh avangin a hmun ruakah Tig-i a inlan a, a chak lo nghal.

Seeded 12-na Mugu-ruza chuan, "Zanah khan Pavlyuchenkova hmachhawn tur angin ngaihtuahna ka hmang a, a tuk zingah erawh ka khingpui tur chu midang a lo ni daih si, rilru lam inpeih tawk lo tak chungin ka khel a, hnehna ka chang thei hi ka lawm hle," tiin a sawi.