Playoff khel turin Miami Heat an tling

Nimin zing khan Miami Heat chuan Boston Celtics lakah 129-121 in hnehna an chang a, regular season kal laiah vawi 38 an chak tlinna ni chiahin, a ṭha pariat inelna playoff khel turin an dinhmun an tichiang bawk.

Miami hian tun hnaiah an khel ṭha, an match hnuhung 13 zinga 10 zetah hnehna an chang thei; Eastern Conference aṭangin Heat hma hian Milwaukee Bucks, Brooklyn Nets leh Philadelphia 76ers te chu playoff khel turin an lo tling fel tawh bawk a ni.

Los Angeles Lakers pawhin playoff an la beisei zel. NBA champion tan LeBron James la inlan thei lo mah se Talen Horton-Tucker chuan hun tawp dawnah 3-points vawm lutin a team hi New York Knicks lakah 101-99 in a chakpui.

Kuminah hian kal-phung thar hman a ni a, conference pahnih aṭang hian pasarihna leh pariatna te chuan Play-In hmangin playoff khel tur an zawng dawn bawk a, regular season tawp thlengin inelna boruak a sang dawn.