Saints chakna Danny Ings

Thawhlehni zan Premier League inkhelah Danny Ings chuan goal hnih a khung a, English striker goal hmang hian Southampton chuan an mikhual Crystal Palace lakah 3-1 in hnehna an chang.

St Mary‘s Stadium-a inkhelah mikhual Palace lamin minute hnihna lekah Christian Benteke hmangin goal an khung hmasa. Mahse, Saints lamin chawlhlawk hmain Ings hmangin an chhanglet a, second half-ah Che Adams leh Ings bawkin khung lehin an lehthal.

Premier League aṭangin a tla tur pahtum a chiang tawh a, champion pawh a chiang tawh - Champions League khel tur erawh a la chiang lo. Southampton leh Crystal Palace hian beisei tur an nei tawh hran lo, an tiatpui club aia sang zawk nih erawh an la tum ang.